القائمة الرئيسية

الصفحات

اخر المشاركات

فكرة مشروع صغير مربح وناجح من المنزل لربح المال لن يخبرك به احد اطلاقا 👀😮💲

في المقال ده انا هقولك علي طريقة تحول بيها ال200 جنيه الي هما تقريبا 15 دولار الي 15 الف جنيه الي هما تقريبا الف دولار في اقل من شهر
مشروع صغير مربح
اهلا بيكم ياشباب 
معاكم احمد البابلي من قناه الباش مدرس المتخصصه في الربح من الانترنت والمشاريع وفرص العمل
انهارده هعرفك زي مشوفت في المقدمة مشروع جبار فكره جديده ومش مكلفه انت لو طبقتها هتحقق ارباح توصل لاكتر من 15 الف جنيه شهريا
تعال ندخل فالشرح التفصيلي بس قبل اي حاجه اتمني منك تعمل لايك للفيديو واشترك وفعل الجرس علشان ده بيساعدني جدا


اول حاجه هنتكلم عنها هي الادوات الي هتعوزها عشان تعمل المشروع ده وهي حاجه بسيطه جدا وهو موبايلك
وتاني حاجه هتعوزها وهي راس المال والي زي ماقولنا هو عباره عن 200 جنيه فقط لاغير
 تعال ندخل فالشرح التطبيقي وفكره المشروع 
اولا هتفتح الفيسبوك او اي منصه تواصل وتدخل علي اي جروبات بشرط يكون الجروب ده تابع لمحافظتك او منطقتك 
وهتبدا تنزل بوست بانك بتشتري اي موبايلات قديمه او بايظه وتطلب من الناس انهم يسيبو صوره للجهاز في كومنت مع ذكر اسم الجهاز والعيب الي موجود فيه 
 وطبعا كمان ممكن تنشر في الماركت بليس الخاص بالفيس بوك او اي موقع للبيع والشراء زي اوليكس
وهتللاقي اقبال تاريخي ياباشا وناس بالهبل معاها موبايلات قديمه ركناها عاوزة تبيعها وكده
نخش بقي ع الخطوة التانيه من الشغل
وهي انك تاخد الموبايلات دي تصلحها وتبيعها باضعاف اضعاف السعر الي انت اشتريت بيه
هتقولي انا مبعرفش اصلح وكده وانا طبعا عارف ده ومش انت الي هتصلح 
هتبدا انك تنزل يوم كده المحلات بتاعت الموبايلات الي حواليك وخصوصا محلات الصيانه 
وتقولهم انك عندك محل وكده وانك هتجبلهم الموبايلات الي عاوزة صيانه وهما يصلحوها وانت هتبقي كوسيط تاخد الموبايلات من الزباين وتوديهاليهم واصحاب المحلات فالحاله دي مش هتتعامل معاك كزبون 
وهتتعامل معاك كصاحب محل ومش هياخدو منك فلوس كتير مقابل التصليح يعني الحاجه الي عامله 100 جنيه هياخدو منك فيها 110 مثلا لانك زميل وبتجبلهم شغل كل بوم 
وانت كده بعد متصلح الموبايلات التعبانه الي انت اخدتها دي هترجع مره تانيه للجروبات ومواقع البيع زي اوليكس وماركت بليس وتبيع التلفونات دي عليها كموبايلات مستعمله
وكلنا عارفين ان اقل جهاز مستعمل عامل مثلا 500 جنيه وانت هتبقي واخده برقم اقل من ده كتير لانك عامله صيانه وغالبا صاحب الموبايل بيبقي راكنه ومش عاوزة ومش فارق معاه السعر لانه معاه موبايل احدث وممكن يكون عنده كذا موبايل قديم ويدهوملك
حاجه كمان لازم تاخد بالك منها عشان متتعبش كتير فالمشروع ده وهي انك تحاول تاخد ارقام موبايلات بتوع الصيانه او الواتس بتاعهم وتبعتلهم صور الموبايلات الي هتجيلك ع الجروب والي الناس عاوزه تبيعها وتقولهم ان الجهاز ده مثلا عيبه كذا هيتصلح بكام وهل ليه قطع غيار ولا لا
وده علشان تضمن ان الجهاز الفلاني هينفع تصلحه وتبيعه قبل متشتريه وتبقي لبسه ع الفاضي يعني 
فكره المشروع ده محترمه جدا وانا اعرف شباب صحابي عاملينها وبيحققو فاليوم مش اقل من 500 جنيه لو باعو موبايل واحد يعني شهريا حوالي 15 الف جنيه من فكره بسيطه زي دي مش محتاجه مكان ولا راس مال كبير ف البدايه 
اتمني منك مشاركه الفيديو ولايك عليه علشان يوصل لناس اكتر وغيرك يستفيد وحتي لو انت مش هتعمل المشروع لما تعمل شير ممكن تكون سبب ف ان حد غيرك يشوفه وتعجبه الفكره ويطبقها ويستفيد
ويبقي انت السبب ف ان يتفتحله باب رزق جديد 
شكرا ليكم واشوفكم الفيديو الجاي 

هل اعجبك الموضوع :

تعليقات